ATHUGASEMDIR:  Enn eitt meistaraverkið frá Belgum, bragðmikill og mjög frískandi og svo þessi fína fylling.  Langt og mikið eftirbragð.  Saison (árstíðar bjór) er belgískur bjórstíll eða sumar öl sem ættaður er frá frönsku mælandi suðurhluta Belgíu. Bjór þessi var venjulega bruggaður á veturna eða vorin og svo geymdur fram á sumar og drukkinn yfir sumarmánuðina. Saison bjórar þurftu að vera  frekar humlaðir til að haldast ferskir yfir sumarið en þó ekki of rammir svo þeir væru svalandi á heitum sumardegi.    Þessir bjórar eru líka þekktir fyrir að vera afar gosmiklir en gosið safnast fyrir í flöskunni yfir geymslutímann. Oft er svo ýmsum kryddum eða jurtum bætt við til að lífga bjórinn aðeins við.  Saison Dupont er eitt af flaggskipum þessa stíls.