ATHUGASEMDIR:  Loksins loksins hefur mér tekist að komast í Biére De Garde bjór.  Já maður hefur heyrt mikið um þennan stíl talað og nú er komið að dómsdegi.  Bjórstíll þessi kemur frá Frakklandi eða nánar tiltekið frá norðvestur hlutanum nálægt belgísku landamærunumi.  Bjórinn getur verið annað hvort öl eða lager og liturinn ljós og upp í rauðbrúnan.  Þetta er mjúkur, sætur og frúttaður bjór og oftast með jurta eða ögn jarðvegskeim.  Flöskunum er lokað með korktappa og látnar eldast í mánuði og jafnvel ár til að draga úr ester/phenol tón.   Þessi frá La Choulette er með miklum humlum í nefi og sætu malti og svo jurtaður.  Í munni er hann ferskur með ögn biturleika ásamt ávöxtum og einhverri jurt sem ég kem ekki alveg fyrir mig enda ekki vanur að éta plöntur.  Sopanum lýkur svo með ómótstæðilegu eftirbragði sem endist vel!