ATHUGASEMDIR:  Jæja þegar þetta er skrifað þá eru Jólin að nálgast eins og óð fluga og móðir á afmæli í dag svona ef einhver vildi vita það.  Jæja að öðru... Jólabjór Tuborg í ár, hmmm það er svo sem ekkert nýtt að frétta af þessum bjór nema þá kannski það að mér finnst hann lakari nú en í fyrra.  Reyndar er ástæðan líklega sú að mörg vötn hafa runnið til sjávar og maður telur sig vera orðinn svo sjóaðan í smakkinu.  Í raun er það ölið sem heillar mig mest og því fær saklaus lager oft að kenna á því sem er í raun ósanngjarnt.  Hins vegar þá er þetta það sem mér finnst akkúrat núna og ég verð að halda mig við það!  Þetta er samt ágætis þambari og dugar á jammið.