ATHUGASEMDIR: Ja enn eru þeir hjá Agli að koma með nýtt og skemmtilegt framlag í bjórmenningu landsins.  Þorrabjór! líklega sá fyrsti og eini sinnar tegundar á jörðinni eða hvað?
Hingað til hefur bjórinn frá Agli ekki heillað mig persónulega og ég hef forðast hann sem heitan eldinn en jólabjórinn þeirra var snilld þannig að ég bara varð að prófa þennan enda þorramánuður ekki satt? Já þetta er sem sagt bústaðarbjórinn að þessu sinni.   Þetta er svona líka ljúfur og fínn kall, bragðmikill og með fína þétta fyllingu og svo vel sprellandi humla.  Þorri er samt gjörsamlega laus við að vera rammur eða of þurr.  Ég get svo svarið það að ég er að finna, auk humla, pínu HUNANG í nefi? Mjög spes.   Þetta er sem sagt klassa lager sem hentar vel með flestum mat, mætti þó vera rammari til passa með þessum viðbjóði sem við köllum þorramat, svona til að frelsa bragðlaukana frá úldmetinu.  Eins er þetta frábær "stand alone gaur"! Fínn með súru hænulegi!!!!!