ATHUGASEMDIR:  Svo virðist sem heimurinn hafi komið vel út úr þessum "aldamótum" og allt er eins og það á að vera! Fyrsti bjór þessa árs er Stella Artois sem er mjög góður belgískur lager.  Árstíminn er svo sem viðeigandi fyrir þennan bjór því upphaflega var Stella aðeins bruggaður og seldur sem jólabjór (stella þýðir stjarna) en  þessi jólabjór varð svo vinsæll að tekið var að selja hann allt árið um kring.  Þetta er léttur, mildur lager og með góða seiðandi angan. Ögn humalkeimur merkjanlegur en það lífgar upp á bjórinn án þess þó að hann sé of rammur. Eitt sem er duló við miðann á þessum bjór er setningin "Belgium's original beer" en það er auðvitað vitað mál að hið belgíska öl kom fram á sjónarsviðið langt á undan öllum lager.