ATHUGASEMDIR: Ahhhh hér er afar sérstætt öl frá einu sérstakasta brugghúsi veraldar.  Rodenbach varð til um 1836 en nú hefur Palm tekið yfir.  Brugghúsið er sérstakt fyrir þær sakir að þar eru yfir 300 risavaxnar viðartunnur þar sem bjórinn er látinn þroskast í.  Ölið sem hér um ræðir er blanda, 75 % af ungu öli sem er látið þroskast í málmtunnum í 4 - 5 vikur en afgangurinn er 2 ára gamalt öl sem þroskast hefur í viðartunnunum fyrr nefndu. Afrakstruinn er svo þetta unaðslega öl, létt súrt og berjað með töluverðan málmkeim.   Þetta er gosmikill bjór en afar mildur og fyrirferðalítill í munn. Ískaldur er þetta hinn besti svaladrykkur.  ATH bjór þessi kemur óvönum mjög á óvart í fyrstu!