ATHUGASEMDIR:  Hér erum við með öl frá Moosehead en áður hef ég smakkað lagerinn þeirra Moosehead Beer sem er andskoti nettur lager!  Moosehead Pale ale er eins og nafnið bendir til svo kallaður föl öl sem er líklegast sá öl sem kemst næst því að vera lager.  Ef menn vilja bera saman lager og öl þá er ekki vitlaust að prófa þessa tvo frá Moosehead og athuga hvar munurinn liggur.  Pale ale er með þennan humlaða og svo frúttaða  fíling í lyktinni sem einkennir öl-bjóra...líklega er hér um að ræða estera frá ölsveppnum.  Mjög frískur í nefi!  Á tungu er þetta hins vegar lítið verkefni fyrir spennta lauka en frúttið er til staðar í einhverju mæli.  Grannur bjór með lítið eftirbragð og skilur bara ekkert eftir sig.    Get í raun ekki mælt með þessum sem ekta öl en þó er þetta fínt fyrir byrjendur í ölinu!