ATHUGASEMDIR: Kasteel bier er að mörgum talinn með betri desert bjórum Belgíu.  Ég get verið sammála því að þessi henti líklega best sem desert bjór eða sem afslappari fyrir svefninn en bestur er hann ekki.   Bjór þessi er afar alkóhólríkur eða 11.0% hann er látinn þroskast í um 3 mánuði í köldum kjöllurum hins 18. aldar Ingelmunster kastala sem fjölskyldan Van Honsebrouk festi kaup á 1980. Bjórinn er afar fallegur í glasi sínu, appelsínugulur og tær með sæmilegan froðuhaus.  Úr glasinu líður svo þessi svakalega mikla lykt þrungin appelsínum, kryddi og vínanda.  Þegar í munn er komið þá taka vonbrigðin við, þetta er mikill bjór með miklu alkóhólbragði sem yfirgnæfir allt annað.  Með lagni má þó greina krydd, vín og humla og kannski ögn vanillu en alkóhólið skemmir samt nautnina.  Fínn bjór á köldu vetrarkvöldi  fyrir þá hörðustu.