Hér er afar dularfullu bjór á ferð.  Bjór þessi sem kemur frá tiltölulega ungu brugghúsi er í raun alveg nýr bjórstíll, ja eða þannig.  Bjór þessi varð til fyrir slysni þegar menn notuðu bjór til að undirbúa eikartunnur sínar fyrir viskí þroskun og fá þannig ögn af bjórkarakternum í eikina.  Það kom svo á daginn að bjórinn varð alveg einstakur eftir þessa meðhöndlun, þ.e.a.s 30 daga dvala í tunnunum.  Í nefi má finna dálítinn kókos og toffee og í munni smýgur bjórinn um bragðlaukana með mikilli karamellu, toffee og kókos.  Heilmikið gos lífgar líka uppá bjórinn sem og nettir humlar sem gera bjórinn óvæminn.  Ummm hnossgæti verð ég að segja!