Farðu beint í 1. bjórdóm bjórbókarinnar hér!

Sjaldan er einn bjórinn stakur!
Velkomin á bjórsíðu Freysa

Til hamingju, þér hefur einhvern veginn tekist að álpast inn á mitt litla athvarf á hinum víðáttumikla veraldarvef!   Hingað eru allir velkomnir sem hafa einhvern áhuga á bjór en síða þessi, eins og einhvern gæti verið farið að gruna, er tileinkuð besta drykk í heimi - bjórnum !  

Bjórinn er elsta og vinsælasta áfengi heimsins og hefur fylgt manninum í um 5000 ár. Á þeim tíma hefur hann sett mark sitt á ýmis menningarsamfélög og fest sig í sessi sem einn vinsælasti drykkur veraldar. Menn dá þennan mjöð af ýmsum ástæðum, sumir vilja bara fá vínandann yfir sig og komast í gott skap á meðan aðrir hafa unun af því að kryfja bjórinn til mergjar og upplifa alla þá fjölbreytni sem drykkurinn hefur upp á að bjóða. Ég er einn af þeim síðar nefndu, en fyrir nokkrum árum komst ég að því að bjór er ekki bara bjór heldur eitthvað miklu miklu meira. Fljótlega upp frá því fór ég að fikta við það að bragða á hinum ýmsu tegundum og skrá álit mitt á hverjum bjór í bjórbókina sem varð til sem eins konar bókhald yfir þessa smökkun. Þetta markaði í raun upphafið af leit minni af hinum fullkomna bjór!  Smelltu hér til að fara beint í bjórlistann og skoða mína dóma!
Auk bjórbókarinnar er hér að finna ýmsan fróðleik sem tengist blessuðum bjórnum svona til að koma mönnum/konum aðeins meira inn í efnið. Fyrir þá sem eru svo að spá í að víkka sjóndeildarhringinn og fara að spá meira í bjórnum þá eru hér nokkur orð um bjórsmökkun og svo auðvitað hvaða glös er best að nota fyrir hvern bjórstíl! Til að auðvelda þetta allt saman þá hef ég skrifað upp nokkrar glósur með hugtökum sem tengjast bjórnum sem og örlitla samantekt  úr öllum þessum fróðleik! Ef menn hafa svo ekki fengið nóg af  lesefni hér þá eru hér nokkrir áhugaverðir hlekkir yfir á aðrar bjórsíður þar sem menn geta drukkið í sig enn meiri fróðleik. Flestir þessir ofantöldu hlekkir eru svo aðgengilegir frá öllum síðum þessarar heimasíðu (sjá bæði efst og til vinstri).

Í lokin vona ég bara að þessi síða muni gagnast einhverjum og jafnvel auðvelda fyrstu skrefin í leitinni að hinum fullkomna bjór og munið, það að panta bara bjór á krá er eins og að panta pizzu án þess að tilgreina áleggið. Njótið vel og skál í botn!

Sendu mér endilega línu með ábendingum eða fyrirspurnum á : bjor@bjorbok.net