ATHUGASEMDIR:  Þennan bjór krækti ég mér í hérna um árið og smakkaði ég þá svo sem eina kippu eða svo.  Eins og miðinn bendir sterklega á þá er hér um að ræða belgískt klaustur öl og textinn "dubbel" gefur vísbendingu um að bjórinn sé alkóhólríkur.  Þegar bjórnum hefur verið hellt í glas má finna vel pakkaðan sætan ilm stíga upp þar sem meðal annars gætir malts, ávaxta, málms og svo karamellu eða jafnvel kirsuber.  Öl þetta er mjúkt við tönn og í góðum holdum, afar hressandi hafður ögn kaldur.  Vel berjaður bjór og má finna kirsuber einhverstaðar í bakgrunni og möndlur.  Alkóhólið er ekki að trufla mann og svo fjarar þessi kall út með fínu ljúfum keim sem breytist svo í kaffi.  Nú er þessi bjór hins vegar ekki lengur seldur hér og þykir mér það afar miður.