ATHUGASEMDIR: Það er nú föstudagur og tilvalið að smakka þennan ágæta kall sem er gjöf frá Sigrúnu og Jóhannesi vinafólki okkar í bjórbókinni.  En að bjórnum, þetta er belgískur bjór eða nánar tiltekið öl að hætti munkanna.  Ég hef lítið heyrt um þetta öl fyrr en nú þannig að engar væntingar eru að þvælast fyrir.  Í nefi má finna kryddaðan karakter og sætt léttfrúttað malt með ögn sítrus eða kóríander?  Í munni er þetta fína öl afar milt og fullt með afar hæglátum humlum sem koma vel inn á móti heldur sætum forgrunni.  Ummm alls ekki þetta yfirgnæfandi frútt sem maður er vanur í belgísku klausturöli heldur er eitthvað sem minnir á sætt maltrúgbrauð.  Mjög góður biti og saðsamur.  Alkóhól algjörlega fjarverandi. Mjög góður!!!