ATHUGASEMDIR: Faxe premium er ágætur lager með humlum í nefi.  Þessi bjór var fyrir skömmu flokkaður sem ódýrasti sopinn í ríkinu og hann er enn á fínu verði.  Þetta er hvorki betri eða verri en annar lager bara fínn sopi.  Léttur í munn með þægilegri beiskju sem fjarar svo út í humla.  Ekki langt eftirbragð og fer því fljótt í gegn.  Í raun hef ég ekki mikið meir um þennan bjór að segja nema bara það að þetta er ágætur lager sem má drekka hvernig sem er hvar sem er og hvenær sem er.  Engin fyrirhöfn og fer beint í blöðruna.