ATHUGASEMDIR: Ég verð að byrja þennan dóm með þreföldu húrra fyrir Ölgerðinni Egils Skallagrímssyni en ég er bara svo lukkulegur með vakningu þeirra.  Fyrst þessi frábæri Egils Malt Jólabjór (sem reyndar kláraðist strax), svo hinn ómótstæðilegi Þorrabjór (einstakur í sínum flokki) og loks þessi páskabjór. Reyndar er svo annar páskabjór á boðstólnum líka þetta árið eða Egils Malt Páskabjór.  Bjór þessi er óvenju gylltur og líkist óneitanlega gulli og í nefi er hann ljúfur sem lamb en þó ekkert sem minnir á páskana ; )  Í munni gerir hann gott við bragðlaukana og er gosríkur og vel í holdum.  Bragðmikill lager sem svipar dálítið til Þorrabjórsins þó svo að sá síðarnefndi hafi vinninginn.  Ef vilji er fyrir hendi má greina þurrkaðar páskaliljur í bland við bráðið páskaegg og svo ögn af grilluðum páskahéra í bakgrunni  ; )