ATHUGASEMDIR:  Þetta er alveg kjörinn hveitibjór fyrir byrjendur : )  Svona hveitibjór leikmannsins ef þannig má að orði komast!  Þetta er sem sagt hveitibjór frá þeim Erdinger mönnum og er hann skratti mildur og "easy".  Lítil lykt með vott af sítrónu, létt fullur í munn og lítið sem ekkert eftirbragð.  Ögn sítruskeimur skín í gegnum allt saman.  Mjög svalandi bjór og afar frískandi, tilvalinn í hinum miklu sumarhitum Íslands hehe.
Ég held að það væri sniðugt að byrja á þessum ef menn vilja prófa sinn fyrsta hveitibjór.  Ölfaktorinn er líka í lágmarki sem er fínt fyrir þá sem hafa bara drukkið lager.   Menn geta svo fært sig úr þessum upp í t.d. Erdinger Weissbier eða þann sem er hér næstur í röðinni.