ATHUGASEMDIR: Carlsberg hefur lengi verið einn af mínum uppáhalds lagerum og því var afar ljúft að fá að kynnast öðrum fjölskyldumeðlimum Carlsberg hér í Köben.  Þegar þetta er skrifað þá er Carl's Jul allsráðandi en einnig má sjá Tuborg jólabjórnum bregða fyrir.  Carl's Jul er sennilega allra besti jólabjór sem ég hef bragðað af lager stíl þegar þetta er skrifað, og það ætti að prófa að flytja þennan inn til Íslands.  Þegar flaskan er opnuð má nánast heyra bjölluhljóm svo mikil er jólastemningin í þessum drykk.  Sætur ilmur stígur upp úr glasinu með malti, pínu karamellu eða kandís og svo humlar í bakgrunni.  Í munni er  hér sælgæti á ferð og bragðlaukarnir syngja af gleði.  Mjúkur og mikill lager með sætum karamellu keim, kandís og kanil og svo þægilegur biturleiki í restina.