| |
ATHUGASEMDIR: Það
hefur nú gengið á ýmsu að undanförnu því nú hef ég tekið upp
rætur á Íslandi og flutt til Danmerkur til að vera nær
bjórnum. Þessi bjór var fyrsti bjórinn í nýjum heimi en
Carlsberg Dark er nýjasti bjórinn frá
Carlsberg brugghúsinu.
Á hverju ári kemur
Carlsberg með nokkra nýja
bjóra á markað og þjóðin tekur svo þátt í að velja hver þeirra
er bestur. Ølvalg kallast þessi
uppákoma en Carlsberg Dark er sigurvegari
ølvalg 2003. Þegar maður smakkar
þennan kauða
þá skilur maður svo sem afhverju því þetta er
frábær lager. Hann er rauður í glasi
 með
netta brúna froðu. Bragðið er kryddað, sérstætt og
óvenju frúttað af lager að vera. Bjórinn er sætur,
maltaður og svo má greina ögn vanillu svei mér þá! Smá
dökkt bragð eða pínu ristað. Frábært eftirbragð og
frábær bjór. Ég held að allir geti verið sáttir að þessi hafi
nú fest sig í sessi í bjórfjölskyldu
Carlsbergs. |
|
